March 02 , 2010

ܚܕܒܫܒܐ ܬܠܬܐ ܕܨܘܡܐ

ܐܝܟ ܣܘܪܓܕܐ ܛܟܼܣܝܐ ܕܥܕܬܐ ܩܕܝܫܬܐ ܩܬܘܠܝܩܝܬܐ ܕܟܼܠܕܝ̈ܐ

ܐܒܐ ܢܘܐܝܠ ܓܘܘܪܓܝܣ ܕܝܪܝܐ

ܐܘܢܓܠܝܘܢ ܩܕܝܫܐ ܕܡܪܢ ܝܫܘܥ ܡܫܝܚܐ ܟܪܘܙܘܬܼܐ ܕܡܬܝ (ܟ: ܝܙ ـ ܟܓ)

ܫܬܝܐ ܟܣܐ ܕܚܫܐ

ܥܬܝܕ ܗ̄ܘܐ ܕܝܢ ܝܫܘܥ ܕܢܣܩ ܠܐܘܪܫܠܝܡ. ܘܕܒܪ ܠܬܪܥܣܪ ܬܠܡܝܕܘ̈ܗܝ ܒܝܢܘܗܝ ܘܠܗܘܢ ܒܐܘܪܚܐ ܘܐܡܪ ܠܗܘܢ: ܗܐ ܣܠܩܝܢ ܠܐܘܪܫܠܝܡ ܘܒܼܪܗ ܕܐ̄ܢܫܐ ܡܫܬܠܡ ܠܪܒܝ ܟܗ̈ܢܐ ܘܠܣܦܪ̈ܐ ܘܢܚܝܒܼܘܼܢܝܗ ܠܡܘܬܐ.ܘܢܫܠܡܘܢܝܗܝ ܠܥܡܡ̈ܐ ܘܢܒܼܙܚܘܢ ܒܗ ܘܢܢܓܕܘܢܝܗܝ ܘܢܙܩܦܘܢܝܗܝ ܘܠܝܘܡܐ ܕܬܠܬܐ ܢܩܘܡ. ܗܝܕܢ ܩܪܒܬܼ ܠܗ ܐܡܗܘܢ ܕܒܼܢܝ̈ ܙܒܼܕܝ ܗܝ ܘܒܼܢܝ̈ܗ ܘܣܓܼܕܬܼ ܠܗ ܘܫܐܠܐ ܗ̄ܘܬܼ ܠܗ ܡܕܡ. ܗܘ ܕܝܢ ܐܡܪ ܠܗ݁: ܡܢܐ ܨܒܼܝܐ ܐܢ̄ܬܝ. ܐܡܪܐ ܠܗ: ܐܡܪ ܕܢܬܼܒܼܘܢ ܗܠܝܢ ܬܪܝܢ ܒܢܝ̈ ܚܕ ܡܢ ܝܡܝܢܟܼ ܘܚܕ ܡܢ ܣܡܠܟܼ ܒܡܠܟܘܬܼܟܼ. ܥܢܐ ܝܫܘܥ ܐܡܪ: ܠܐ ܝܕܥܝܢ ܐܢ̄ܬܘܢ ܡܢܐ ܫܐܠܝܢ ܐܢ̄ܬܘܢ. ܡܫܟܚܝܢ ܐܢ̄ܬܘܢ ܠܡܫܬܐ ܟܣܐ ܕܐܢܐ ܥܬܼܝܕ ܠܡܫܬܐ، ܐܘ ܡܥܡܘܕܝܬܼܐ ܕܐܢܐ ܥܡܕ ܐ̄ܢܐ ܬܥܡܕܘܢ. ܐܡܪܝܢ ܠܗ: ܡܫܟܚܝܢ ܚ̄ܢܢ. ܐܡܪ ܠܗܘܢ: ܟܣܝ ܬܫܬܘܢ. ܡܥܡܘܕܝܬܼܐ ܕܐܢܐ ܥܡܕ ܐ̄ܢܐ ܬܥܡ̄ܕܘܢ. ܕܬܬܒܼܘܢ ܕܝܢ ܡܢ ܝܡܝܢܝ ܘܡܢ ܣܡܠܝ ܠܐ ܗܘܬܼ ܕܝܠܝ ܕܐܬܠ. ܐܠܐ ܠܐܝܠܝܢ ܕܐܬܛܝܒܬܼ ܡܢ ܐܒܼܝ.

ܦܘܫܩܐ

ܗܘܠܗ ܒܐܝܬܝܐ ܝܡܐ ܕܝܠܐ ܕܙܒܼܕܝ ܘܕܝܠܝ ܬܪܐ ܡܢ ܬܠܡܝܕ̈ܐ ܕܝܫܘܥ ܘܒܛܠܒܐ ܡܢܗ ܬܕ ܝܗ̄ܒܼܠ ܚܐ ܡܫܬܐܠܢܘܬܐ ܪܒܬܐ ܒܓܘ ܡܠܟܘܬܗ، ܟܕ ܡܫܠܛ ܘܗܘܠܗ ܡܠܟܘܬܐ ܕܘܠܬܐ ܘܗܘܐ ܡܠܟܐ.

ܗܕܐ ܒܥܘܬܐ ܗܘܠܐ ܒܐܝܬܝܐ ܒܬܪ ܡܐ ܐܡܪܗ ܝܫܘܥ ܬܐ ܬܠܡܝܕܗ ܟܕ ܐܝܘܐ ܒܐܝܣܩܐ ܠܐܘܪܫܠܝܡ ܕܓܪܟ ܡܝܬ ܘܦܝܫ ܨܠܝܒܼܐ ܥܠ ܐܝܕܐ ܕܟܼܗܢ̈ܐ ܘܩܪ̈ܝܐ ܘܒܬܪ ܬܠܬܐ ܝܘܡܬܐ ܒܩܝܡ.

ܗܠܒܕ ܗܕܐ ܒܣ ܦܫܘܠܐ ܡܝܪܬܐ ܬܐ ܬܠܡܝܕ̈ܐ  ܒܐܘܪܚܐ ܐܠܐ ܝܡܗܝܢ ܫܡܥܠܐ  ܒܐܪܘܼܚܵܬܵܐ ܕܝܗ݁.

ܠܘܬܼ ܝܫܘܥ ܠܝܬ ܡܨܥܝܘܬܐ ـ ܘܵܐܣܛܵܐ. ܐܝܡܪܗ ܛܠܝܗܝܢ ... ܫܬܝܐ ܕܟܣܐ ܠܝܠܐ ܒܣ ܛܠܝܗܝܢ ܐܠܐ ܐܝܠܐ ܬܐ ܟܠܝ ܬܠܡܝܕܐ ܘܐܦ ܛܠܢ ܐܝܟ ܕܝܠܐ ܒܒܪܝܐ ܬܐ ܟܠܕܝ̈ܐ ܘܡܫܝܚܝ̈ܐ ܒܓܘ ܡܕܝܢ̄ܬܐ ܕܡܘܨܠ ـ ܥܝܪܩ. ܐܡܪܝ ܐܝܒܢ.  ܒܗܕܐ ܟܠܲܝܬܼܵܐ ܕܝܘܚܢܢ ܘܝܥܩܘܒܼ ܗܘܠܝ ܡܚܙܘܝܐ ܛܠܢ ܡܩܐ ܐܬܝ ܣܘܼܟܵܝܵܐ ـ ܛܡܘܚ ܕܠܐ ܪܦܹܠܲܝ ܘܕܐܪܝ ܡܢ ܟܠܝܬܝܗܝܢ ـ ܡܩܨܕ ܕܝܗܝܢ ܟܕ ܫܡܥܠܝ ܕܐܝܬܼ ܚܫ̈ܐ ܘܥܘܩܢ̈ܐ ܘܡܘܬܐ ܡܩܡ ܕܡܛܝ ܠܢܨܝܚܘܬܼܐ ـ ܠܢܓ̰ܚ. ܘܠܝܬ ܢܓ̰ܚ ܕܠܐ ܡܩܪܒܼܐ ܕܒܼܚܬܐ. ܕܒܼܚܬܐ ܠܝܠܐ ܫܪܛ ܕܗܘܐ ܐܡܝܢܐܝܬܼ ܡܘܬܐ ܐܝܟ ܛܡܹܠܗ ܝܥܩܘܒܼ ܘܦܫܠܗ ܣܗܕܐ ܒܐܘܪܫܠܝܡ.

ܫܬܝܐ ܕܟܣܐ ܕܝܠܗ ܒܐܝܡܪܐ ܐܠܗ݁ ܝܫܘܥ ܐܝܠܐ ܕܒܚܬܐ ܕܟܘܕܝܘܡ. ܠܝܬ ܟܘܕܝܘܡ ܫܓܼܘܫܝ̈ܐ ܘܪܕܘܦܝ̈ܐ ܘܩܛܠܐ ܐܠܢ، ܐܝܟ ܐܚܘܢܬܢ ܕܝܠܝ ܒܥܝܪܩ ܐܝܠܝ ܝܘܡܐܝܬܼ ܒܣ ܐܢ ܕܝܠܝ ܒܡܠܟܘܬܐ ܚܪ̈ܝܢܐ ܠܐ.

ܒܣ ܐܝܬ ܫܬܝܐ ܕܟܣܐ ܡܪܪܬܐ ܡܢ ܐܚܢܘܬܢ ܚܢܢ ܕܟܩܪܘܟܼܠܐ ܓܝܢܢ ܡܫܝܚܝ̈ܐ ܘܐܚܢܘܬܐ ܕܐܚܕܕܐ ܐܝܟ ܟܢܬܐ، ܚܣܡܘܬܼܐ، ܣܢܝܘܬܼܐ ܘܚܘܒܐ ܕܐܝܒܐ ܙܘܟܼܠ ܠܝܬ ܒܗ ܨܦܝܘܬܐ ܘܚܘܒܐ ܕܓܝܢܐ...ܚܘܒܐ ܪܚܘܩܐ ܡܢ ܡܐ ܡܘܠܦܠܗ ܝܫܘܥ ܛܠܢ ܕܝܗ̄ܒܠ ܓܝܢܗ ܚܠܦܢ ܘܚܢܢ ܐܝܘܟܼ ܒܚܘܒܐ ܘܚܢܦܘܬܼܐ.

ܟܣܐ ܕܝܠܗ ܒܝܡܪܐ ܐܠܗ ܝܫܘܥ ܐܝܠܗ ܟܣܐ ܠܡܛܝܐ ܠܢܝܫܢ ܕܝܢ ܐܝܟ ܡܫܝܚܝ̈ܐ. ܒܕܡ ܫܘܕ ܠܐ ܙܕܥܘܟܼ ܡܢ ܟܣܐ.

******************************************